दमौली, कार्तिक २२
तनहुँका क्रियाशिल पत्रकार सविन लामिछानेलाई सवारी चालक सुजन श्रेष्ठले ज्यान मार्ने धम्की दिएको घटना प्रति नेपाल पत्रकार महासंघ तनहुँ शाखाले आपत्ती जनाएको छ । महासंघले बुधबार विज्ञप्ति जारी गरि पत्रकार लामिछानेलाई ज्यान मार्ने धम्की दिएको घटनाको भत्र्सना गर्दै दोषीलाई कारवाही गर्न माग गरेको छ ।
अनलाइन खबर डटकम र पब्लिक फोरके टेलिभिजनका तनहुँ समाचारदाता लामिछानेलाई सदरमुकाम दमौलीबाट व्यास नपा ६ जाने सिन्धु मार्गमा गुड्ने ग १ ज ७५०५ नम्बरको यात्रुबहाक बसका चालक श्रेष्ठले मंगलबार राती पत्रकार लामिछानेको घरमा पुगी उनका वुवा आमालाई धम्काई छोराको ज्यान मार्ने धम्की दिएको पत्रकार महासंघ तनहुँले जनाएको छ ।
पत्रकार महासंघ तनहुँ शाखाका सचिव प्रताप रानाले जारी गरेको विज्ञप्तिमा मादक पदार्थ सेवन गरी राती पत्रकार लामिछानेको घरमा गएर सवारी चालक श्रेष्ठले गाली गलौज र ज्यान मार्ने धम्की दिएको भन्दै उक्त घटनाको सत्य तथ्य छानविन गरि दोषीलाई कानुनी कारवाही गर्न प्रशासन समक्ष माग गरिएको छ । साथै पत्रकार लामिछाने र उनका अविभावकको जिउ ज्यानको सुरक्षा गर्न पनि माग गरिएको छ ।
पत्रकार लामिछानेले उक्त सवारी साधनमा ट्राफिक नियम उल्लंघलन गर्दै क्षमता भन्दा बढि यात्रु बोकेको बारेमा समाचार प्रकाशन गरेका थिए । पत्रकार लामिछानेले जिल्ला प्रशासन कार्यालयमा उक्त घटनाको बारेमा जानकारी गराएपछि प्रमुख जिल्ला अधिकारीको निर्देशनमा बुधबार दिउँसो घटनाका देषी सवारी चालक श्रेष्ठलाई प्रहरीले पक्राउ गरेको थियो । आरोपित श्रेष्ठले पत्रकार लामिछानेका अभिभावकसँग माफी मागेको र आयन्दा यस्तो घटना नदोहो¥याउने लिखित प्रतिबद्धता जनाएपछि बुधबार राती दुई पक्ष विच मिलापत्र भएको पत्रकार लामिछानेले बताए ।
