देवघाटको योगी नरहरिनाथ गौ संरक्षण केन्द्रमा तिहारमा तीन दिनसम्म गौपूजन गरिने

Devghat Online

शेयर गरौ

देवघाट, कार्तिक २३

भरतपुर महानगरपालिका–१ देवघाटधाममा रहेको योगी नरहरिनाथ गौ संरक्षण केन्द्रमा तिहारको अवसरमा तीनदिनसम्म सामूहिकरुपमा लक्ष्मी, गाई र गोबर्धन पूजा गरिने भएको छ । केन्द्रले विहिबार पत्रकार सम्मेलनको आयोजना गरेर गौपुजनको बारेमा जानकारी गराएको हो ।

केन्द्रले बिगतका वर्षहरुमा जस्तै यसवर्ष पनि लक्ष्मी पूजाको अवसरमा लक्ष्मीको प्रतिकस्वरुप सामूहिकरुपमा गौपूजा गर्न लागिएको कार्यक्रमका संयोजक तथा गौ संरक्षण केन्द्रका अध्यक्ष नवराज ढकालले बताए । ढकालका अनुसार तिहारको अवसरमा कात्तिक २६ गते लक्ष्मी पूजा, २७ गते गाई पूजा र २८ गते हुने गोवर्धन पूजामा सन्त समाज नेपालका अध्यक्ष एवं हरिहर सन्यास आश्रम देवघाटका पिठाधिस ज्ञानानन्द सरस्वती महाराजको प्रमुख अतिथ्यतामा गौपुजन कार्यक्रम आयोजना गरिनेछ ।

वि.सं २०४३ सालबाट केन्द्रले गौ संरक्षण केन्द्रमा स्थानीय जातका गाई संरक्षण अभियान सुरु गरेर अहिलेसम्म पनि निरन्तरता दिइएको छ । गाई वात्सल्यकी प्रतिमूर्ती र बिना मूल्यको औषधालय भएको केन्द्रले पत्रकार सम्मेलनमा जनाएको छ ।

बैदिक सनातन धर्ममा गाईलाई लक्ष्मीको प्रतिक तथा माताको रुपमा पुजिने हुँदा केन्द्रले पनि लक्ष्मी पुजाको अवसरमा गौपुजन कार्यक्रमको आयोजना गरेको हो ।

प्रतिक्रिया दिनुहोस्

सम्बन्धित समाचारहरू

पुष्पलाल स्मृति दिवसमा एमाले व्यास नगरले रक्तदान कार्यक्रम गर्ने

दमौली, साउन ४ नेपाल कम्युनिष्ट पार्टीका संस्थापक महासचिव पुष्पलाल श्रेष्ठको स्मृति दिवसको अवसरमा नेकपा एमाले

तनहुँ जिल्ला अदालतद्वारा ७३ प्रतिशत मुद्धा फछर्याैट, २७६६ मध्ये २०२८ फछ्यौैट भई ७३८ मुद्धा बाँकी

दमौली, साउन ४ तनहुँ जिल्ला अदालतले आर्थिक वर्ष २०८०÷०८१ मा ७३.३१ प्रतिशत मुद्धा फछर्याैट गरेको