अव पनि काम नभए ठेक्का तोडेर भएपनि घुमाउनेको पुल बनाउनुपर्ने सांसद वाग्लेको भनाई

Devghat Online

शेयर गरौ

दमौली, मंसिर २९

तनहुँ क्षेत्र नम्बर १ का सांसद डा. स्वर्णिम वाग्लेले तनहुँ र चितवन जोड्ने त्रिशुली नदीको निर्माणाधिन घुमाउनेको पुलको शुक्रबार निरिक्षण गरेका छन् । देवघाट गाउँपालिकाका विभिन्न क्षेत्रमा हुने राष्ट्रिय स्वतन्त्र पार्टीको कार्यक्रममा सहभागी हुन देवघाट जाने क्रममा सांसद वाग्लेले पार्टीका नेताहरु सहित घुमाउने पुलको निरिक्षण गरेका थिए ।

सो अवसरमा बोल्दै सांसद वाग्लेले निर्माण कम्पनी र सरकारी पक्ष विच भएको सहमती अनुसार अव पनि पुल निर्माण नभए ठेक्का तोडेर नयाँ प्रक्रिया सुरु गरेर भएपनि पुल बनाउनु पर्ने बताए । यो पुललाई आफुहरुले रुपान्तरकारी पुल मानेको भन्दै सांसद वाग्लेले यसलाई आफुहरुले सुरुदेखी नै प्रामिकतामा राखेको बताए ।

यस पुलले दुरी र लागत घटाउने भन्दै पुल निर्माणपछि दोहोरो आवागमनलाई सहज बनाउने बताए । पुल निर्माणपछि यस क्षेत्रका सुन्तला, तरकारी, खसीबोका बजार क्षेत्रमा ल्याउन सहयोग पुग्ने र गन्डकी प्रदेशकै क्षेत्रलाई यसले कायापलट गर्न सहयोग पुग्ने बताए । दमौली तिरबाट बुद्धसिंह मार्ग कालोपेत्र हुँदै आउने र घुमाउनेमा पुल पनि निर्माणको कार्य सँगसँगै गर्नु पर्ने उनको भनाई थियो ।

१० बर्ष अघि ठेक्का लागेको उक्त पुल ५ बर्ष अघि देखी निर्माण सुरु भएको हो । विचमा एक डेढ वर्षदेखी काम रोकिएको छ । सरकारले डिजाईन परिवर्तन गरेको कारण पनि काम केही समय रोकिएको पुल हाल निर्माण कार्य सुरु भएको छ । आर्च डिजाईनको उक्त पुल बर्षायाम अगाडी नै आर्चको डिजाईन बनाईसक्ने हो भने दशैं अघि पुल र्निमाण बन्न सक्ने प्राविधिकहरुको भनाई छ ।

एक सय पाँच मिटर लम्बाइ रहेको पुलको लागत नौ करोड ५६ लाख रहेको छ । गण्डकी प्रदेशलाई चितवनको नारायणगढसम्म जोड्ने सबैभन्दा छोटो दूरीको बुद्धसिंमार्गको घुमाउनेको उक्त मोटरेबल पुल सडक विभागअन्तर्गतको डिभिजन सडक कार्यालय तनहुँको प्राविधिक सहयोगमा निर्माण गर्न लागिएको हो ।

उक्त पुलको निर्माण सम्पन्न पश्चात पोखरा र दमौलीलाई नारायणगढ आउन जान हाल सञ्चालन भइरहेको मुग्लिङ–नारायणगढ सडकभन्दा २३ किलोमिटरको दूरी छोटो पर्छ । घुमाउनेमा मोटरेबल पुल नहुँदा यातायातका साधन तनहुँकै सिमानामा पुगेर फर्कन बाध्य छन् । मोटरसाइकल भने डोहोर्याएर मुग्लिङ–नारायणगढ सडक खण्डसम्म ल्याउन सकिन्छ ।

प्रतिक्रिया दिनुहोस्

सम्बन्धित समाचारहरू

देवघाटमा जेष्ठ नागरिकलाई न्यानो कपडा वितरण गर्दा अनियमितता भएको ठहर

देवघाट, जेठ ३१ देवघाट गाउँपालिकामा जेष्ठ नागरिकलाई न्यानो कपडा वितरण गर्दा अनियमिता भएको महालेखा परिक्षण

राष्ट्रिय परिचयपत्र दर्तामा भिड गर्नु पर्दैन, ‘भाद्र मसान्तसम्म सामाजिक सुरक्षा भत्ता नविकरण गर्न सकिने’

दमौली, जेठ ३० गृह मन्त्रालय अन्तर्गतको राष्ट्रिय परिचयपत्र तथा पन्जिकरण विभागले भदौ मसान्तसम्म सामाजिक सुरक्षा