देवघाट, पुस ३
देवघाट गाउँपालिका भित्र सन्चालित सहकारीका पदाधिकारी र व्यवस्थापकलाई कोअपरेटिभ एन्ड पोर्भर्टि रिलेटिड म्यानेजमेन्ट इनफरमेसन सिस्टम (कपोमिस) सम्बन्धि तालिम सोमबारबाट सुरु भएको छ ।
सो तालिमको देवघाट गाउँपालिकाका उपाध्यक्ष भुवन सिं गुरूङले उद्घाटन गरे । सो अवसरमा बोल्दै उपाध्यक्ष गुरुङले गाउँमा सञ्चालन हुँदै आएको सहकारीलाई नयाँ ढङ्गबाट सञ्चालनमा सहयोग गर्ने उद्देश्यले तालिम आयोजना गरिएको बताए ।
सो कार्यक्रममा प्रदेश सहकारी रजिस्ट्रार कार्यलयका सुर्य प्रसाद आचार्यले सहकारी सन्चालनको क्रममा अपनाउनु पर्ने नीति नियम बनाउन र दिर्घकालिन योजना बनाउदा कपोमिस प्रबिधिबाट पुर्णरुपमा तथ्याङ्क दिने र बुझाउन तालिमको आयोजना गरिएको बताए ।
सो कार्यक्रमको देवघाट गाउँपालिकाका कार्यक्रम अधिकृत कृष्णराज पन्तले सञ्चालन गरेका थिए । तालिममा देवघाटमा सन्चालित ८ ओटा सहकारी संस्थाका पदाधिकारी एवं व्यवस्थापकहरुको सहभागिता रहेको छ ।
