काठमाडौं, पुस १६
नेकपा एमालेका अध्यक्ष केपी शर्मा ओलीले अहिले पुष्पकमल दाहाल प्रचण्ड नेतृत्वको सरकारसँग कांग्रेस सन्तुष्ट रहेको भन्दै कटाक्ष गरेका छन् ।
मेलमिलाप दिवसको अवसरमा कांग्रेसले आयोजना गरेको कार्यक्रममा बोल्दै उनले भने, ‘अहिलको स्थिती र परिस्थिती, अहिलेको राज्य सञ्चालनमा आफ्नो भूमिकासँग सन्तुष्ट रहेको कांग्रेसको तलाउमा मैले एउटा ढुंगा फुत्त फालिदिएर तरंग ल्याउने मेरो कुनै ईच्छा छैन । त्यसकारण म त्यतापट्टि जान चाहन्नँ, कुनै अमनचयनमा खलल पार्न पनि चाहन्नँ । त्यस सीमा भित्र मात्रै म रहन्छु ।’
उनले आफूलाई महामन्त्री विश्वकर्मा शर्माले मेलमिलाप दिवसमा आउनासाथ भाटे कारबाही गरेको भन्दै व्यंग्य गरे ।
उनले व्यग्य गर्दै भने, ‘विश्वप्रकाशजीले अर्काको घर किन बनाइस् कलकत्ता जान गंगाको बाटो किन भनिस् ट्रक नै कुुदाउनुपर्ने ठाउँमा पाइपलाइन अमलेखगञ्जमा किन ल्याइस् । ट्यांकर चलाउनुपर्ने ठाउँमा । बयलगाढा चलाइराख्याथ्यो हुलाकी राजमार्ग किन बनाइस्, ठूला कुरा गर्ने ? उहाँले आफ्नो प्रचलित शैलीमा लकार्नुभो । त्यसको पनि म जवाफ दिन्नँ त्यतापट्टि पनि म जान्नँ ।
कांग्रेसका नेताहरु आजको सन्दर्भमा राष्ट्रिय एकता, महत्व, सान्दर्भिकता र आजको दिनमा यसलाई कसरी रुपान्तरित गर्नुपर्ने बताए ।
