शुक्लागन्डकी, पुस १८
शुक्लागन्डकी नगरपालिका–९ स्थित ढोरबाराही मन्दिर परिसरमा बुधबार राष्ट्रिय युवा संघ नेपाल तनहुँको विस्तारित बैठक तथा भेला सम्पन्न भएको छ ।
युवा संघ तनहुँका अध्यक्ष मदन तिमिल्सेनाको अध्यक्षतामा सम्पन्न सो भेलालाई राष्ट्रिय युवा संघ नेपालका अध्यक्ष क्षितिज थेवेले सम्बोधन गरेका थिए ।
सो कार्यक्रममा संघका उपाध्यक्ष माहाराजा गुरुङ, स्थायी कमिटि सदस्य एवं गन्डकी प्रदेश इन्चार्ज अर्जुन पौडेल, केन्द्रीय सदस्य सम्पन्न श्रेष्ठ, नेकपा एमाले गन्डकी प्रदेश कमिटिका सदस्यद्वय श्यामराजा महत र कमल ढकाल लगायतका नेताहरुको सहभागिता रहेको थियो ।
भेलामा करिब ३ सय जना युवाहरुको सहभागिता रहेको थियो । सो कार्यक्रममा स्थानीय तहमा निर्वाचित युवा संघका नेता तथा कार्यकर्ताहरुलाई सम्मान गरिएको थियो ।
