देवघाट, पुस २३
देवघाट गाउँपालिका–५ स्थित देवघाट खानेपानी तथा सरसफाई उपभोक्ता समितिको अध्यक्षमा पुनः शालिग्राम मिश्र चयय भएका छन् । उपभोक्ता समितिको सोमबार सम्पन्न सातौं अधिवेशनबाट पुनः मिश्रको अध्यक्षतामा कार्य समिति गठन गरिएको छ ।
समितिको उपाध्यक्षहरुमा सावित्री न्यौपाने र राधादेवी खनाल, सचिवमा प्रवीण कार्की र कोषाध्यक्षमा अर्जुन अधिकारी चयन भएका छन् । त्यस्तै सदस्यहरुमा गणेश ब. थापा, अनिल मिश्र, प्रदीपशाली घिमिरे, रामहरि पुडासैनी, श्रीकृष्ण पण्डित र विष्णु प्रसाद पौडेल चयन भएका छन् ।
सो अधिवेशनको देवघाट गाउँपालिका वडा नम्बर ५ का अध्यक्ष पुर्णबहादुर कुँवरले उद्घाटन गरेका थिए । सो अवसरमा बोल्दै वडा अध्यक्ष कुँवरले देवघाटमा रहेका सबै खानेपानी उपभोक्ता समितिहरुले उपभोक्ताहरुलाई शुद्ध खानेपानीको व्यवस्थापन गर्नु पर्ने बताए । पानीको शुद्धता र गुणस्तरियतामा ध्यान दिनु पर्ने उनको भनाई थियो । 
देवघाट–५ मा रहेका सबै खानेपानी उपभोक्ता समितिलाई एकिकरण गरि एउटै समिति बनाई पानीको पर्याप्तता र एकद्वार प्रणाली मार्फत पानी वितरणको व्यवस्था मिलाउनु पर्ने वडा अध्यक्ष कुँवरले बताए ।
देवघाट खानेपानी तथा सरसफाई उपभोक्ता संस्थामा देवघाट–५ का ७७३ घरधुरी उपभोक्ता रहेका छन् ।
