दमौली, माघ १६
व्यास नपा–६ शिशाघाट स्थित महेन्द्रज्योति माध्यमिक विद्यालयको ६६ औं वार्षिकोत्सव तथा अभिभावक सम्मेलन सोमवार सम्पन्न भएको छ ।
उक्त वार्षिकोत्सवको व्यास नगरपालिकाका प्रमुख वैकुण्ठ न्यौपानेले उद्घाटन गरे । वार्षिकोत्सवको उद्घाटन गर्दै नगरप्रमुख न्यौपानेले गुणस्तरीय शिक्षा अहिलेको आवश्यकता भएको बताए ।
उनले विद्यालयको शैक्षिक तथा भौतिक विकासका निम्ति नपाको सहयोग सदैब रहिरहने बताए । उनले व्यवहारिक र उत्पादनमूलक शिक्षा प्रदान गर्ने नीति भएमात्रै बेरोजगारी अन्त्य हुने जनाए ।
विव्यस अध्यक्ष केशर आलेको अध्यक्षतामा सम्पन्न उक्त कार्यक्रममा व्यास ६ का वडा अध्यक्ष जीवन गुरुङ, रुपा ३ का वडा अध्यक्ष दिपेन्द्र गौतम, नेपाली कांग्रेसका दिपक ढुंगाना, नेकपा एमालेका टोप बहादुर परियार, विद्यालयका प्रअ बुद्धिकुमार श्रेष्ठ, पूर्व प्रधानाध्यापक डम्बरदेव कैनी, पूर्व विव्यस अध्यक्ष मेघ प्रसाद नागिला, पूर्व विद्यार्थी मञ्च अध्यक्ष भानु चापागाई, संजिव कुमार पतेनीभाट, खुशिराम ढौनिया लगायतले बोलेका थिए ।
विविध सांस्कृतिक कार्यक्रम सहित सम्पन्न उक्त वार्षिकोत्सव कार्यक्रममा नृत्य लगायतका प्रतियोगिताहरु समेत गरिएको थियो । कार्यक्रममा शतप्रतिशत विद्यार्थी उत्तीर्ण गराउन सफल शिक्षकहरुलाई सम्मान गरिएको विद्यालयले जनाएको छ ।
