देवघाट, माघ १६
शहिद दिवसको अवसरमा देवघाटधाम जेसिज तथा लियो क्लव अफ देवघाट चौतारीले मंगलबार देवघाट गाउँपालिका परिसरमा दिप प्रज्वलन गरेको छ ।
अमर शहिदको सम्झनामा दिप प्रज्वलन गरिएको देवघाटधाम जेसिजका अध्यक्ष रघु मल्लले बताए । दिप प्रज्वलन कार्यक्रममा जेसिजका पदाधिकारीहरु, लियो क्लवका पदाधिकारीहरु, गाउँपालिकाका पदाधिकारी तथा कर्मचारी तथा अन्य सर्वसाधरणहरुको उपस्थिती रहेको थियो ।
सो कार्यक्रममा देवघाटधाम जेसिजका अध्यक्ष रघु मल्ल, देवघाट गाउँपालिका वडा नम्बर ५ का अध्यक्ष एवं प्रवक्ता पुर्णबहादुर कुँवर, देवघाटधाम जेसिजका महासचिव प्रशन्न ढकाल लगायतका वक्ताहरुले मन्तव्य राखेका थिए ।
