पोखरा, चैत ७
भानु नगरपालिकाका मेयर आनन्द त्रिपाठीले गन्डकी प्रदेशका भौतिक पुर्वाधार मन्त्री राजिव गुरुङ (दिपक मनाङे) लाई भेट गरि भानु नगरपालिकाका महत्वपुर्ण योजनाहरुमा बजेट उपलब्ध गराउन माग गरेका छन् ।
मंगलबार मन्त्री गुरुङलाई भेट गरेका मेयर त्रिपाठीले भानु नगरपालिकामा नगरवासीलाई सहज यातायात पहुँचको लागि विभिन्न मोटरमार्गको स्तरोन्नतिको लागि डीपीआर सहितको योजना पेश गरेका थिए ।
यसैगरि मेयर त्रिपाठीले सो अवसरमा आ.व.०८१÷०८२ को लागि विभिन्न योजना कार्यक्रममा आवश्यक बजेट विनियोजनको लागि योजना पेश गरेका थिए । साथै अर्थमन्त्री जित प्रकाश आले तथा विभिन्न मन्त्रालय र विभागमा पुगी मेयर त्रिपाठीले नगरपालिकाका विभिन्न योजनामा बजेट उपलब्ध गराउन माग गरेका थिए ।
