दमौली, चैत ७
म्याग्दे गाउँपालिकाको नवनिर्मित प्रशासकीय भवनको आगामी बैशाख ३ गते राष्ट्रपती रामचन्द्र पौडेलले उद्घाटन गर्ने भएका छन् । म्याग्दे गाउँपालिकाको वडा नम्बर ४ स्थित नारङ्गेमा निर्माण गरिएको सो भवनको निर्माण कार्य पुरा भएको गाउँपालिकाले जनाएको छ ।
उक्त भवन उद्घाटनसँगै कार्यालय सन्चालनको तयारी पनि गरिएको छ । सो को प्रयोजनकोलागि आगामी बैशाख २ र ३ गते म्याग्दे गाउँपालिकामा सार्वजानिक बिदा दिने निर्णय हालै बसेको कार्यपालिकाको बैठकले गरेको छ ।
नयाँ भवनबाट सेवा प्रवाह गर्ने गरि हालको कार्यालयमा रहेका जिन्सी सामाग्री, विद्युतीय सामाग्री तथा विभिन्न श्रेस्ता कागजातहरु सार्नु पर्ने तथा फर्निचर सहित विद्युतीय उपकरणहरु नयाँ सेटिङ गर्नुपर्ने भएकोले बैशाख २ र ३ गते गाउँकार्यपालिका तथा सम्पुर्ण वडा कार्यालयहरुमा सार्वजानिक बिदा दिईएको गाउँपालिकाका अध्यक्ष श्रीप्रसाद श्रेष्ठले बताए ।
