काठमाडौं, चैत २७
गण्डकी प्रदेश सरकार गठन विरुद्ध सर्वोच्च अदालतमा पुगेको पेशीमाथि बुधबार सुनुवाइ भएको छ । न्यायधीश बिनोद शर्माको इजलासले पुर्ण सुनुवाई नहुँदासम्म वर्तमान खगराज अधिकारी नेतृत्वको सरकारालाई नै निरन्तरता दिने आदेश दिएको छ ।
मुख्यमन्त्रीमा अधिकारीको नियुक्ति बदर माग गर्दै निवर्तमान मुख्यमन्त्री सुरेन्द्र पाण्डेले मंगलबार सर्वाेच्च अदालतमा रिट दायर गरेका थिए । उक्त रिटमाथी सुनुवाई गर्दै अदालतले नियुक्ति विरुद्ध अन्तरिम आदेश दिँदा सरकार शून्यताको अवस्था सृजना हुने भन्दै पूर्ण सुनुवाइका लागि वैशाख १० गतेलाई पेशी तोकिएको छ ।
सभामुखसमेतको हस्ताक्षर देखाएर बहुमत दाबी गरिएको भन्दै निवर्तमान मुख्यमन्त्री तथा नेपाल कांग्रेस प्रदेश सभा संसदीय दलका नेता सुरेन्द्रराज पाण्डे सर्वोच्च पुगेका हुन् ।
