दमौली, बैशाख ७
७६ बर्षिय बाबु रापबहादुर विकको हत्या गरेको आरोपमा म्याग्दे गाउँपालिका–६ का २६ बर्षिय दिपक विकलाई शुक्रबार प्रहरीले पक्राउ गरेको छ ।
दिपकले हाल शुक्लागण्डकी नपा–९ घारी स्थित छोरीको घरमा बस्दै आएका वुवा रापबहादुरलाई बैशाख ७ गते शुक्रबार दिउँसो धारिलो हतियार (चक्कु) प्रहार गरी हत्या गरेको प्रहरीले जनाएको छ । हत्या आरोपित दिपकलाई तत्कालै पक्राउ गरिएको जिल्ला प्रहरी कार्यालय तनहुँका डिएसपी दिपक कुमार रायले जानकारी दिए ।
घरायसी विवादमा दिपकले बाबुको हत्या गरेको प्रराम्भिक अनुसन्धानबाट खुलेको डिएसपी रायले जानकारी दिए । उक्त घटना सम्बन्धमा थप अनुसन्धान सुरु भएको डिएसपी रायले जानकारी दिए ।
