देवघाट, बैशाख २६
दमौली संगम क्लवको आयोजनामा तथा विभिन्न संघ संस्थाको सहयोगमा देवघाट–५ स्थित ब्रजयोगिनी माविका विद्यार्थीलाई विद्यालय पोशाक वितरण गरिएको छ । सो अवसरमा विद्यालदयका ३ सय विद्यार्थीलाई विद्यालयको पोशाक ट्रयाकसुट वितरण गरिएको थियो ।
विद्यालय व्यवस्थापन समितिका अध्यक्ष बिनोद सारु मगरको अध्यक्षतामा आयोजित सो कार्यक्रममा प्रमुख अतिथि दमौली संगम क्लवका अध्यक्ष एवं शिक्षाविद् एवं समाजसेवी नरेन्द्रराज वाग्ले, क्लबका सचिव गिता हमाल, वडा नम्बर ५ का वडा सदस्य बुद्धि बहादुर पान्डे, क्लवका आजिबन सदस्य बाबुराम शर्मा, विद्यालयका प्रअ केशब काफ्ले लगायतले मन्तव्य राखेका थिए ।
सो कार्यक्रमको सन्चालन विद्यालयका सहायक प्रअ चन्द्रमणी तिमिल्सिनाले गरेका थिए । सो कार्यक्रममा अभिभावक संघ तथा ब्यबस्थापन समितिका सदस्यहरुको उपस्थित रहेको थियो ।
