दमौली, बैशाख २८
नेकपा एमालेको आजबाट दशौं जिल्ला अधिवेशन अन्तर्गत नयाँ नेतृत्वको लागि हुने निर्वाचन प्रक्रिया सम्पन्न गर्न सात सदस्यिय निर्वाचन समिति मनोनयन गरिएको छ । नेकपा एमाले केन्द्रीय निर्वाचन समितिका अध्यक्ष बिजय सुब्बाले तनहुँ जिल्लाको निर्वाचन सम्पन्न गर्नकोलागि सात जनालाई मनोनयन गरेका छन् ।
एमालेका अनुसार प्रमुख निर्वाचन अधिकृतमा पदमलाल लामिछाने तथा निर्वाचन अधिकृतहरुमा विजयकुमार श्रेष्ठ, पुष्प खनाल, सोमकान्त पाौडेल, भगवान त्रिपाठी, विजय खनाल र ज्योतीप्रकाश तिमिल्सिना तोकिएका छन् ।
उनीहरुलाई निर्वाचन प्रक्रियालाई स्वतन्त्र र निश्पक्ष रुपमा सम्पन्न गर्ने जिम्मेबारी तोकिएको छ ।
