दमौली, बैशाख २८
प्रेस चौतारी तनहुँले स्थापना गरेको ‘प्रेस चौतारी क्रियाशिल पत्रकारिता पुरस्कार’ आज प्रदान गरिने भएको छ ।
नेकपा एमाले तनहुँको दशौं जिल्ला अधिवेशनको उद्घाटन समारोहमा उक्त पुरस्कार प्रदान गरिने प्रेस चौतारी तनहुँले जनाएको छ । उक्त पुरस्कार यस वर्ष तनहुँका क्रियाशिल पत्रकार कृष्ण न्यौपानेलाई प्रदान गरिने यस अघि नै निर्णय भईसकेको छ । पुरस्कारको राशी नगद १० हजार तथा सम्मान पत्र रहेको छ ।
न्यौपानेलाई नेकपा एमालेका महासचिव शंकर पोख्रेलले पुरस्कार प्रदान गर्ने छन् । पत्रकार न्यौपाने लोकवाणी दैनिक, रासस र खबरपुन्ज अनलाइनसँग आवद्ध छन् ।
प्रेस चौतारी तनहुँले स्थापना गरेको अक्षयकोषबाट दिईने उक्त पुरस्कारबाट यस अघि प्रेमप्रसाद पौडेल, विश्व बन्धु भण्डारी, प्रकाशचन्द्र भट्टराई, बसन्ती बास्तोला र नारयण खड्का पुरस्कृत भईसकेका छन् ।
