देवघाटमा न्यायिक सचेतना कार्यक्रम सम्पन्न

Devghat Online

शेयर गरौ

देवघाट, जेठ २

तनहुँ जिल्ला अदालतको आयोजनामा शुक्रबार देवघाट गाउँपालिकाकामा न्यायीक बाह्य पहुँच सम्बन्धी सचेतना कार्यक्रम सम्पन्न भएको छ ।
सो कार्यक्रममा जिल्ला अदालतका न्यायधिश कमलराज विष्टले स्थानीय तहका न्यायीक समितिहरुमा उत्पन्न हुने न्यायीक समस्याहरुलाई समाधान गर्ने यद्देश्यले यस कार्यक्रम आयोजना गरिएको बताए । कार्यक्रममा जिल्ला अदालतका न्यायाधीशद्वय आत्मादेव जोशी र चन्द्र कुमार पोखरेलले पनि सहजिकरण गरेका थिए ।

सो कार्यक्रममा देवघाट गाउँपालिकाका अध्यक्ष तिलबहादुर थापाले गाउँपालिकाका न्यायिक समितिलाई आवश्यक बजेट उपलब्ध गराउने र श्रोत साधन सम्पन्न गराउने बताए । देवघाट गाउँपालिकाका उपाध्यक्ष भुवन सिं गुरूङले दुनीयाँवादी देवानी प्रकृतिका निबेदनहरु न्यायीक समिति मार्फत नै निरुपण गर्दै आएको बताए ।

कार्यक्रममा देवघाट गाउँपालिकाका प्रमुख प्रशासकीय अधिकृत गौरी प्रसाद आचार्य, वडा नम्बर–५ अध्यक्ष पूर्ण बहादुर कुँवर लगायत वडा सदस्यहरु, सव–डिभिजन वन कार्यालय देवघाटका प्रमुख कृष्णप्रसाद भट्ट, उद्योग वाणिज्य संघ देवघाटका अध्यक्ष रोशन श्रेष्ठ, देवघाट महिला सञ्जाल अध्यक्ष राधादेवी खनाल लगायतले जिज्ञासा राखेका थिए ।

प्रतिक्रिया दिनुहोस्

सम्बन्धित समाचारहरू