काठमाडौं, जेठ १३
नेकपा एमालेकी केन्द्रीय सदस्य तथा राष्ट्रिय सभामा नेकपा एमालेकी सचेतक भगवती न्यौपानेले दमौलीको मेनचोक फलफूल लाइनमा गत सोमबार विहान भएको आगलागीबाट पीडित भएकाहरुलाई राहत र क्षतीपुर्ती उपलब्ध गराउन प्रधानमन्त्री पुष्पकमल दाहालको ध्यानाकर्षण गराएकी छिन् ।
आईतबार प्रधानमन्त्री कार्यालयमा प्रधानमन्त्री दाहाललाई भेट गरि सांसद न्यौपानेले आगलागीबाट भएको क्षतीको बारेमा जानकारी गराउँदै पीडितहरुलाई सरकारको तर्फबाट राहत र क्षतीपुर्ती उपलब्ध गराउनु पर्ने बताइन् ।
सो अवसरमा प्रधानमन्त्री दाहालले उक्त आगलागीको घटनालाई आफुले गम्भिर रुपमा लिएको भन्दै सरकारको तर्फबाट राहत उपलब्ध गराउने बताएका थिए । सांसद न्यौपानेले शनिबार उक्त आगलागीबाट भएको क्षतिको स्थलगत निरीक्षण गरेकी थिइन् ।
आगलागी पीडितलाई भेटी सांसद न्यौपानेले आफू पीडितको साथ रहेको भन्दै राहत तथा क्षतीपुर्तीकोलागि पहल गर्ने बताएकी थिइन् ।
सो आगलागीमा परि २४ वटा सटरहरु जलेर ध्वस्त हुँदा ६ करोड ९९ लाख ५१ हजार छ सय ७० रुपियाँ क्षति भएको विवरण संकलन भएको छ ।
