दमौली, असार १७
लोकप्रिय सौन्दर्य प्रतियोगिता मिस नेपालकी प्रतिश्पर्धी तनहुँकी करुणा रावतलाई मिस नेपाल बनाउन उनको गृह जिल्ला तनहुँमा अभियान सुरु भएको छ । सोमबार दमौलीमा भएको भेलाले गल गुरुङको संयोजकत्वमा ‘करुणा जिताऔं अयिभान’ गठन गरेको छ ।
व्यास नपा–४ निवासी करुणा मिस नेपालको प्रतिश्पर्धाको उत्कृष्ट २६ भित्र पर्न सफल भएकी छिन् । हिडन ट्रेजर नेपालले आयोजना गरेको मिस नेपाल २०२४ का लागि भोटिङ सुरु भईसकेको छ । यसै सन्दर्भमा करुणालाई धेरै भन्दा धेरै भोट दिलाउन उक्त करुणा जिताऔं अभियान सुरु गरिएको हो । करुणाको भोटिङ कोड ८ रहेको छ ।
उक्त समितिमा संयोजक गल गुरुङ तथा सदस्यहरु शंकर अधिकारी, नविन पुरी, शैलेश खाती, सरोज भण्डारी, रवि भुजेल, रनिल रोका र शिवहरी धिताल रहेका छन् । यसैगरि सल्लाहाकार समितिमा प्रेव राउत, जिवन गुरुङ, रामकृष्ण विक, हिरा थापा, श्याम मौराती, जिवन श्रेष्ठ, श्रीकृष्ण बस्नेत, शुरेश पुरी, कृष्ण सुनार, डम्बर अधिकारी र उज्वल पौडेल रहेका छन् ।
भोटिङका लागि डिजिटल वालेट खल्ती डाउनलोड गर्नुपर्नेछ । खल्ती एपमा इन्टरटेनमेन्ट सेक्सनमा गएर भोट अप्सनमा गई मिस नेपालको भोटिङ अप्सनमा गएर भोटिङ गर्न सकिने कम्पनीले जनाएको छ । मिस नेपाल २०२४ का लागि खल्ती प्रयोगकर्ताले एक भोट सित्तैमा हाल्न पाउनेछन् । साथै केवाईसी भेरिफाई गरिएका खल्ती एपका प्रयोगकर्ताले अर्को एक भोट थप गरी दुई भोटसम्म निशुल्क हाल्न पाउने कम्पनीले जनाएको छ । मिस नेपाल २०२४ का लागि २६ जना प्रतिष्पधी रहेका छन् ।
करुणा मिस नेपाल बन्नकै लागि अस्ट्रेलियाबाट नेपाल फर्केकी हुन् । १५ वर्षको उमेरमै मोडलिङमा प्रवेश गरेकी उनी यसअघि मिस एसएलसी पोखरा–२०१४ की रनरअप समेत हुन् । सिड्नीबाट ब्याचलर्स अफ नर्सिङ अध्ययन गरेकी करुणाले सन् २०२० देखि नर्सिङ क्षेत्रमा सक्रिय रहँदै आएकी छन् । उनीसँग अस्ट्रेलियाको सांसदले सञ्चालन गर्ने ‘नेशनल लिडरसिप फोरम’मा सहभागी भएको अनुभव समेत छ ।
उनले मिस वल्र्ड अस्ट्रेलियाको फाइनलमा रकी गादरकोल शो मोडलको रूपमा ¥याम्प वाक प्रदर्शन गरेकी थिइन् । विभिन्न सार्वजनिक कार्यक्रमको उद्घोषण समेत गर्ने गरेकी करुणा मिस ग्ल्यामर लुक अष्ट्रेलिया २०१९ को टप ५ मा समेत उनी छनोट भएकी थिइन् । वेस्टर्न सिड्नी विश्वविद्यालयमा नेपाली विद्यार्थीहरूको कार्यक्रम संयोजकको भूमिकामा रहेर काम गरेकी उनीसँग बूमटाउन शिखर सम्मेलनमा सहभागी भएको अनुभव पनि छ ।
सामाजिक कामहरूमा सक्रिय रावतले मानसिक स्वास्थ्य, लागूपदार्थ र मदिरा दुव्र्यसनी रोक्नका लागि समेत काम गर्दै आएकी छन् । उनले राष्ट्रिय नेतृत्व मञ्च, प्रतिनिधि २०२२, अस्ट्रेलियामा युवा नेताका रूपमा छनोट भई संसद् भवनमा ३ दिनसम्म नेपालको प्रतिनिधित्व गरेकी छन् ।
