दमौली, असार २०
जुवा खेलिरहेको अवस्थामा बुधबार साँझ ब्यास नगरपालिका–५ ठुलोघुम्ती स्थित यम बहादुर कुमालको पुरानो घरमा हार जितको बाजी राखी जुवा (तास) खेली रहेको अवस्थामा सोही ठाउँका १४ जना पक्राउ परेका छन् ।
जुवा खेलिरहेको भन्ने गोप्य सूचनाको आधारमा जिल्ला प्रहरी कार्यलयबाट खटिईगएको प्रहरी टोलीले उक्त घर खानतलासी गर्दा उक्त घरमा तास खेलिरहेको अवस्थामा उनीहरु पक्राउ परेको प्रहरीले जनाएको छ ।
पक्राउ पर्नेमा घर धनी यम बहादुर कुमाल सहित सोही ठाउँका सुरेश अधिकारी, सुर्य कुमाल, बिज्ञान खनाल, मिन बहादुर थापा, बिष्णु कुमार जोशी, राजेन्द्र सुनार, मंगल सुनार, बिर बहादुर सुनार, शम्बु कुमाल, रबिन्द्र कुमाल, राज कुमार गुरुङ, शान्त बहादुर दरै, राम बहादुर कुमाल, पदम मगर, ऋषिराम अधिकारी र गौरी शंकर शाह रहेका छन् ।
जुवा खेलिरहेको अवस्थामा जुवाको खालबाट (जुवा) तास सहित एकमुष्ट रुपमा २५ हजार ९ सय ९५ रुपैयाँ बरामद गरी निजहरु उपर जुवा सम्बन्धी कसुरमा जिल्ला प्रशासन कार्यालय तनहुँबाट ६ दिनको म्याद थप गरिएको जिल्ला प्रहरी कार्यालयले जनाएको छ ।
