तनहुँमा माथिबाट खसेको ढुङ्गा लागी १ को मृत्यु, पहिरोमा परी ३ जना बेपत्ता

Devghat Online

शेयर गरौ

दमौली, असार २२

तनहुँमा अविरल बर्षाको कारण माथिबाट खसेको ढुङ्गा लागी १ जनाको मृत्यु भएको छ भने पहिरोले घर बगाउँदा ३ जना बेपत्ता भएका छन् । ऋषिङ गाउँपालिका–१ झापुटारस्थित निर्माणाधीन तनहुँ हाइड्रोपावरको सुरुङमार्गभन्दा बाहिर माथिबाट ढुंगा खस्दा शनिबार दिउँसो करिब ४ बजेतिर एक मजदुरको मृत्यु भएको छ । मृत्यु हुनेमा ऋषिङ–१ मालिङगाका ५० वर्षीय कृष्णबहादुर पुलामी रहेको जिल्ला प्रहरी नायव उपरीक्षक दिपककुमार रायले बताए ।

माथीबाट ढुंगा खस्दा टाउको र पेटमा चोट लागेका पुलामीलाई दमौली अस्पतालमा उपचारको लागि ल्याइएकोमा चिकित्सकले मृत घोषण गरेको प्रहरी नायव उपरीक्षक रायले बताए । सोही घटनामा लमजुङ सुन्दरबजार नगरपालिका–२ का ५१ वर्षीय समलाल श्रेष्ठ घाइते भएका छन् । उनको रत्नहरी अस्पतालमा उपचरत श्रेष्ठको बायाँ खुट्टा र टाउकोमा चोट लागेको छ । उनको अवस्था सामान्य रहेको छ ।

यसैगरि शुक्लागण्डकी नगरपालिका–७ स्थित काउरेमा पहिरोले घर बगाउँदा ३ जना बेपत्ता भएका छन् । शनिबार दिउँसो घर माथिबाट आएको पहिरोमा परी उनीहरु बेपत्ता भएका हुन् ।

शुक्रबारदेखि रातीदेखी परेको अबिरल वर्षाका कारण स्थानीय हिरा नेपाली र सुनमाया कुमालको घरमाथिबाट पहिरो आउँदै गर्दा छरछिमेक मिलेर घरभित्र रहेका सामान निकालने क्रममा उनीहरु पहिरोमा परेका थिए ।

उक्त पहिरोमा स्थानीय ४० वर्षीया हिरा नेपाली, ३६ वर्षीया अनिशा बास्तोला र ६५ वर्षीय श्याम भण्डारी बेपत्ता भएको जिल्ला प्रहरी कार्यालयका डिएसपी दिपककुमार रायले बताए । सोही घटनामा स्थानीय ४० वर्षीया बिष्णु बहादुर नेपाली, २६ वर्षीय बिशाल तिमल्सिना, ३५ वर्षीय रबि घिमिरे र १८ वर्षीय रुपकुमार नेपाली घाइते भएका प्रहरीले जनाएको छ । पहिरोमा परी बेपत्ता भएकाहरुको खोजी कार्य जारी रहेको जिल्ला प्रहरी कार्यालयले जनाएको छ ।

प्रतिक्रिया दिनुहोस्

सम्बन्धित समाचारहरू

भानु जयन्तीको अवसरमा चुँदी रम्घामा विशेष कार्यक्रम, भानु जन्मस्थलको विकासकोलागि पहल गर्ने सांसद न्यौपानेको प्रतिबद्धता

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्तीको अवसरमा शनिबार देश तथा

आज भानु जयन्ती मनाईदै

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्ती आज देश तथा विदेशका

देवघाट गाउँपालिका आफ्नै भवनमा सर्ने प्रक्रिया सुरु, सुभसाईत पारी रुद्राभिषेक र अग्निस्थापना

देवघाट, असार २७ देवघाट गाउँपालिका आफ्नै भवनमा सर्ने प्रक्रिया सुरु भएको छ । वडा नम्बर