विष्णु मगर । देवघाट, असार २४
देवघाट गाउँपालिका–५ स्थित साढेबगर सामुदायिक वन उपभोक्ता समुहले उपभोक्ताहरुको स्वास्थ्य विमा गरेको छ । सो वन समुहले आर्थिक वर्ष ०८०÷८१ मा ३८ घरका उपभोक्ताको स्वास्थ्य विमा गरेको उपभोक्ता समुहकी अध्यक्ष टिकीसरा गुरुङले बताउनु भयो ।
यसैगरि उक्त वन समुहले गरिवी निवारण कार्यक्रम अन्तर्गत २१ जना उपभोक्तालाई पुशपालनकोलागि जनही १० हजारको दरले अनुदान रकम पनि उपलब्ध गराएको अध्यक्ष गुरुङले बताउनुभयो । उपभोक्ताहरुको हितकोलागि स्वास्थ्य विमा र पशुपालनमा अनुदान रकम उपलब्ध गराईएको अध्यक्ष गुरुङले बताउनुभयो ।
उपभोक्ताको स्वास्थ्य विमा गराई भोलीको दिनमा स्वास्थ्य उपचारमा खर्च हुने ठुलो धनराशी जोगाउन र पशुपालन गरि मनग्य आम्दानी गरि उपभोक्ताको आर्थिक अवस्थामा सुधार ल्याउनको लागि यी कार्य गरिएको अध्यक्ष गुरुङले बताउनुभयो ।
सो वन समुहले गत असार २१ गत वन क्षेत्रमा बृक्षारोपण समेत गरेको छ । समुहले भिरालो जमिनको संरक्षणकोलागि बन क्षेत्रमा बासको विरुवा रोपिएको जनाईएको छ । उक्त बासको संरक्षण गर्न सबै उपभोक्ताको कतव्र्य भएको हुँदा चौपायहरुलाई वन क्षेत्रमा चरण नगराउन अध्यक्ष गुरुङले अनुरोध गर्नुभयो ।
