पहिरोले बुद्धसिंह मार्ग अवरुद्ध, हजारौं नागरिकको यातयात सम्बन्ध बिच्छेद

Devghat Online

शेयर गरौ

दमौली, असार २४

गन्डकी प्रदेशको गौरबको रुपमा रहेको तनहुँको दमौली र चितवनको घुमाउने जोड्ने बुद्धसिंह मार्ग पहिरोको कारण दुई दिनदेखी अबरुद्ध रहेको छ । गत शुक्रबार राती र शनिबार दिनभर परेको पानीले उक्त सडकको ठाउँ–ठाउँमा पहिरो खस्दा उक्त सडकमा यातयात बिच्छेद भएको हो ।

पहिरोले ठुला ठुला ढुङ्गाहरु सडकमा खसेपछि पुर्णरुपमा यातायात अवरुद्ध भएको छ । ठुलो पानी परेर खहरे खोलाहरु उर्लिदा केही घन्टा यातयात अबरुद्ध हुने उक्त सडकमा यसपटकको पहिरोले पुर्णरुपमा यातयात अबरुद्ध भएको बन्दिपुर–६ स्थित सेतीगंगा आधारभुत विद्यालयका प्रअ सिद्धान्त गर्जा मगरले बताए । स्थानीय बासिन्दाको प्रयासले उक्त पहिरो हटाउन सम्भव नहुने हुँदा ठुला मेसिनहरुको प्रयोग गर्नु पर्ने थापाले बताए ।

साथै ठाउँ ठाउँमा विद्युतका पोलहरु ढलेर सडक अवरुद्ध हुँदा जोखिम बढेको थापाले बताए । विद्युतका पोलहरु ढलेपछि उक्त क्षेत्रमा विद्युत पुर्णरुपमा बन्द भएको थापाले बताए ।

सडकमा झरेका पहिरो र विजुलीका तार छिचोलेर कुनै पनि सवारी साधन सदरमुकाम दमौली र घुमाउने तर्फ जान सक्दैनन् । यातयात अबरुद्ध हुँदा बिरामी, बालबालिका र जेष्ठ नागरिकहरु मर्कामा पर्ने देवघाट–३ घर भएका नेकपा एमाले देवघाट गाउँ कमिटिका उपसचिव हर्कबहादुर थापाले बताए ।

उक्त सडक हुँदै बन्दिपुर, देवघाट र आवुँखैरेनी गाउँपालिका केही वडाका हजारौं नागरिकहरु दैनिक आवत जावत गर्ने गर्छन् । पहिरोको कारण उनीहरुको यातयात सम्बन्ध पुर्णरुपमा विच्छेद भएको छ । यातयात अबरुद्ध हुँदा त्यस क्षेत्रको जनजिवन कष्टकर भएको थापाले बताए ।
गन्डकी प्रदेशलाई चितवन र तराईका अन्य जिल्लासँग जोड्ने सबैभन्दा छोटो दुरीको बैकल्पिक सडकको रुपमा उक्त सडकलाई लिने  गरिएको छ ।

गन्डकी प्रदेश सरकारले उक्त सडकको दमौलीदेखी व्यास नपा–१३ को सोँढेसम्म १० कि.मि. कालोपत्रेको काम गरिरहेको छ । उक्त बुद्धसिंह मार्गलाई मुग्लिन–नारयणगढ सडकसँग जोड्ने चितवनको घुमाउनेमा पक्कीपुल निर्माणाधिन अवस्थामा अलपत्र छ । सो पुलको निर्माण सम्पन्न पश्चात बाटो छोटिन्छ ।

पुल निर्माणपछि सो सडक हुँदै यात्रा गर्दा हाल सन्चालनमा रहेको पृथ्वीराजमार्गको मुग्लिन हुँदै नारयणगढ जानुभन्दा करिब २६ किलोमिटर छोटो पर्छ । प्रदेश सरकारले अहिले उक्त सडकको १० किमि सडक कालोपत्रे गरिरहेको हुँदा त्यही १० कि.मि. भित्र हुने अवरोध हटाउने जिम्मेबारी मात्र कार्यालयको रहेको र बाँकीमा कार्यालयको कुनै भुमिका नहुने कार्यालयको भनाई छ ।

पहिरोले अवरोध भएको उक्त सडक सुचारु गर्ने विषयमा सोमबार प्रमुख जिलल अधिकारी र पुर्वाधार विकास कार्यालयका प्रमुखसँग छलफल गरिएको गर्जामगरले बताए । उनले सोमबार साँझसम्म उक्त सडकको अवरोध खुलाउने आश्वासन पाएको भन्दै सडकको अवरोध नखोलिए थप दवाव दिइने बताए ।

प्रतिक्रिया दिनुहोस्

सम्बन्धित समाचारहरू

भानु जयन्तीको अवसरमा चुँदी रम्घामा विशेष कार्यक्रम, भानु जन्मस्थलको विकासकोलागि पहल गर्ने सांसद न्यौपानेको प्रतिबद्धता

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्तीको अवसरमा शनिबार देश तथा

आज भानु जयन्ती मनाईदै

दमौली, असार २९ नेपाली साहित्यका आदिकवि भानुभक्त आचार्यको २११ औँ जन्मजयन्ती आज देश तथा विदेशका

देवघाट गाउँपालिका आफ्नै भवनमा सर्ने प्रक्रिया सुरु, सुभसाईत पारी रुद्राभिषेक र अग्निस्थापना

देवघाट, असार २७ देवघाट गाउँपालिका आफ्नै भवनमा सर्ने प्रक्रिया सुरु भएको छ । वडा नम्बर