अन्जान परियार । घिरिङ, असार २७
घिरिङ गाउँपालिकाले अदुवा उत्पादक कृषकलाई नगद ५ हजार सहित सम्मान गरेको छ । कृषि उत्पादनमा आधारित अनुदान कार्यक्रम अन्तर्गत १ हजार किलो भन्दा बढी अदुवा उत्पादन गर्ने वडा नम्बर ५ का ६९ जना किसानलाई जनही ५ हजार रुपैयाँको दरले अनुदान बितरण गरेको हो ।
बिहिवार वडा नम्बर ५ को कार्यालयमा आयोजित कार्यक्रम गाउँपालिकाका अध्यक्ष होम बहादुर थापाले कृषकलाई सो रकम हस्तान्तरण गरेका थिए ।
वडा अध्यक्ष बिष्णुविर आलेको अध्यक्षतामा सम्पन्न सो कार्यक्रममा कार्यपालिका सदस्य भुवन सिं बिक, वडा सदस्यहरु मनुराम थापा, डिलु थापा, कमला थापा, एमाले गाउँकमिटी अध्यक्ष सुमन कुमार श्रेष्ठ लगायतको उपस्तिथि रहेको थियो । सो कार्यक्रम कृषि शाखा कर्मचारी करिस्मा ढकालले सन्चालन गरेकी थिइन् ।
