दमौली, असार ३१
म्याग्दे गाउँपालिकाले आर्थिक वर्ष २०८०।०८१ मा सुत्केरी गाई भैंसीलाई पोषण खर्च वापत ५ लाख २ सय रुपैयाँ उपलब्ध गराएको छ ।
उँपालिकाको पशु सेवा उपशाखाको वार्षिक स्वीकृत कार्यक्रम अन्तर्गत उक्त रकम उपलब्ध गराईएको गाउँपालिकाले जनाएको छ ।
गाउँपालिकाका १४३ जना कृषकको १५८ वटा गाई र ८६ वटा भैंसी गरि जम्मा २४४ वटा गाई भैंसीलाई सुत्केरी पोषण खर्च वापत २०५० रुपैयाँको दरले ५ लाख २ हजार रुपैयाँ रकम उपलब्ध गराईएको गाउँपालिकाका पशु सेवा उपशाखाका प्रमुख डा. विनयकुमार शाहले बताए ।
गाउँपालिकाले गाउँपालिका भित्रका सुत्केरी गाईभैंसीलाई पोषण खर्च वापत प्रति गाई भैंसी २ हजार ५० रुपैयाँको दरले कृषकलाई रकम उपलब्ध गराउने नीति तथा कार्यक्रम मार्फत निर्णय गरेको थियो । सोही अनुसार सबै कृषकहरुलाई बैंकिङ प्रणाली मार्फत रकम उपलब्ध गराईएको गाउँपालिकाका प्रमुख प्रशासकीय अधिकृत नारयणप्रसाद अधिकारीले बताए ।
