देवघाट, साउन १९
विहिबार सार्वजनिक भएको कक्षा १२ को नतिजा अनुसार देवघाट गाउपालिकाका सामुदायिक विद्यालय तर्फ वडा नम्बर ५ को कालिका मावि प्रथम भएको छ । उक्त विद्यालयका ८०. ९५ प्रतिशत विद्यार्थी उत्तीर्ण भएका छन् ।
यसैगरि क्रमश: आदर्श मावि देवघाट- २ खाल्टेका ७१.७३ प्रतिशत र पार्वती मावि देवघाट-१ कोटाका ६४.२९ प्रतिशत विद्यार्थी उत्तीर्ण भएका छन् ।
यस्तै विद्यार्थी तर्फ भने पार्वती मावि कोटाकी छात्रा सुनिता गन्दर्मा मगर गाउँपालिका तर्फ सर्वोत्कृष्ट भएकि छिन् । उनले ३.३३ जिपिए प्राप्त गरेको विद्यालयका प्रअ राजु गिरीले बताए ।
यस्तै देवघाटका महेश संस्कृत गुरुकुल, वेदवेदाङ्ग संस्कृत गुरुकुल र परमानन्द संस्कृत गुरुकुलको कक्षा १२ को नतिजा उत्कृष्ट आएको गुरुकुलहरुले जनाएका छन् ।
