काठमाडौं, साउन २२
राष्ट्रिय सभाकी सांसद भगवती न्यौपानेले संविधान संशोधन संविधानमै व्यवस्था भएकाले यस विषयमा अनर्गल प्रचार नगर्न आग्रह गरेकी छन् । राष्ट्रिय सभाको बैठकमा बोल्दै सांसद न्यौपानेले संविधान संशोधन संविधानमै व्यवस्था भएको हुँदा यसको बारेमा अनावश्यक र अनर्गल प्रचार गर्न नहुने बताइन् ।
संविधान जारी भएको झन्डै १० वर्षमा यसलाई समृद्ध बनाउन विभिन्न पक्षबाट माग भई आएको सन्दर्भमा देश र जनताको हितमा रहेर संविधान संशोधन गरी प्राप्त उपलब्धिको संस्थागत विकास र जचाहना अनुरुप अगाडि बढ्नुपर्ने सांसद न्यौपानेले बताइन् ।
सांसद न्यौपानेले संविधान अनुरुप राष्ट्रपति र उपराष्ट्रपतिमा फरक लिंग र जातको हुनुपर्ने व्यवस्थाको कार्यान्वयन गर्न र कमजोरी रहेका विषयलाई संशोधन गरेर यसलाई सकारात्मक रुपमा अगाडि बढाउन सकिने धारणा राखिन् ।
