दमौली, भदौ १२
नेपाली महिलाहरुको महानपर्व हरितालिका तीजको अवसरमा उद्योग वाणिज्य संघ दुईपिप्ले सोतीपसल इकाईको आयोजनामा आगामी भदौ २१ गते मध्यनेपाल नपा–४ दुईपिप्ले बजारमा खुल्ला तीज गीत प्रतियोगिता हुने भएको छ ।
उक्त प्रतियोगितामा प्रथम हुने टिमलाई २० हजार, द्वित्तिय हुने टिमलाई १५ हजार, तृतिय हुनेलाई ५ हजार तथा सान्त्वना हुने टिमलाई ३ हजार नगद पुरस्कार प्रदान गरिने उद्योग वाणिज्य संघ दुईपिप्ले सोतीपसल इकाईका अध्यक्ष रमेशचन्द्र शर्माले जानकारी दिए ।
त्यस्तै उत्कृष्ट नृत्यकारलाई १ हजार नगद पुरस्कार तथा सहभागी हुने टिम (बिजयी बाहेकलाई) यात्रा खर्च उपलब्ध गराइनेछ ।
प्रतियोगितामा सहभागी हुनकोलागि भदौ २१ गते बिहान १० बजेसम्म टिम दर्ता गरिसक्नु पर्ने इकाईले जनाएको छ ।
