दमौली, असोज २
आबुँखैरेनी गाउँपालिकाका अध्यक्ष शुक्र चुमानलाई आउटस्ट्यान्डिङ लोकल गभर्नेस अवार्ड प्रदान गरिएको छ । बुधबार काठमाडौंमा आयोजित कार्यक्रममा राष्ट्रिय सभाका अध्यक्ष नारयणप्रसाद दाहालले अध्यक्ष चुमानलाई उक्त अवार्ड हस्तान्तरण गरे ।
स्थानीय सरकार प्रमुखको रुपमा उत्कृष्ट कार्य गरेवापत सिजन मिडिया प्रालिले अध्यक्ष चुमानलाई उक्त अवार्ड प्रदान गरेको हो ।
चुमान यस अघि अनलाइन खबर डटकमको ४० बर्ष मुनिका ४० प्रभावशाली युवामा छनौट भएका थिए ।
चुमानको नेतृत्वमा आबुँखैरेनी गाउँपालिकाले हरेक क्षेत्रमा उत्कृष्ट नतिजा हाँसिल गर्दै आएको छ ।
