अन्जान परियार । घिरिङ, असोज १६
घिरिङ गाउँपालिका–२ काठेकोट घर भई हाल बेलायत बस्दै आएका समाजसेवी बेम बहादुर थापाले काठेकोटमा रहेको चण्डी आधारभूत बिद्यालयमा अध्ययनरत बिद्यार्थीहरुलाई शैक्षिक सामाग्री र पोशाक वितरण गरेका छन् । हालै बिद्यालयमा आयोजित कार्यक्रममा थापाले विद्यालयका ४१ जना बिद्यार्थिलाई पोशाक र शैक्षिक सामाग्री बितरण गरेका थिए ।
यसैगरि समाजसेवी थापाले घिरिङको ऐतिहासिक धरोहर गजरकोट कोटनाहुँ मन्दिर निर्माणका लागि दश लाख रुपैया सहयोग गरेका छन् । थापाले मन्दिर ब्यवस्थापन समितिका अध्यक्ष दयाराम श्रेष्ठलाई चेक हस्तान्तरण गरेका थिए । उक्त कार्यक्रममा थापाले करिब १ लाख रुपैयाँ बराबरको, शैक्षिक सामाग्री र पोशाक र काठेकोट टोलका महिलाहरुलाई लुङ्गी वितरण गरेका थिए ।
घिरिङ–२ को काठेकोटमा जन्मिएका थापा बेलायतमा बसोबास गरेपनि गाउँको बिकासमा सहयोग गर्दै आइरहेका छन् । आफुले गरेको सहयोगको स्थानीयहरुले सहि रुपमा सदुपयोग भएको भन्दै थप सहयोग गर्न आफुलाई प्रेरित गरेको थापाले बताए । आगामी दिनमा समेत सहयोग गर्ने प्रतिबद्धता गरेका छन् । उनले आफुलाई सहयोग गर्न प्रेरित गर्ने चण्डी आधारभूत बिद्यालयका प्रअ इमान सिंह थापा र समाजसेवी होम थापा लाई खादा र मायाको चिनो प्रदान गरि सम्मान गरेका थिए ।
उक्त कार्यक्रममा घिरिङ गाउँपालिकाका अध्यक्ष होम बहादुर थापाले गाउँपालिकाले विभिन्न ठाउँमा बिकास गर्न आफ्नो तर्फबाट लागी रहेको अबस्थामा बेम बहादुर जस्ता मनकारीहरुको सहयोगले घिरिङ समृद्धिमा थप टेवा पुग्ने बताए । सहयोग गरेकोमा अध्यक्ष थापाले समाजसेवी थापा र उनको पत्नि चित्रा थापालाई दोसल्ला ओढाएर सम्मान गरेका थिए । उनले चण्डी आधारभुत बिद्यालयमा बिद्यार्थीको अभाबले मर्ज हुने स्थितीबाट बचाएकोमा बिद्यालय परिवारलाई धन्यवाद दिए ।
विद्यालय ब्यवस्थापन समितीका अध्यक्ष तुलराज थापाको अध्यक्षतामा भएको सो कार्यक्रममा लामो समय विद्यालयमा अध्यापन गरि अवकास भएका शिक्षिकहरु किरण आले र मनसरा थापालाई गाउँपालिका अध्यक्ष थापा र बिद्यालय परिवारवाट सम्मान गरिएको थियो । बिद्यालयका शिक्षक निल बहादुर थापाले कार्यक्रम सन्चालन गरेका थिए भने शिक्षिका शान्ता श्रेष्ठले स्वागत मन्तब्य राखेकी थिइन् । उक्त कार्यक्रममा समाजसेवी थापालाई काठेकोट नौमती बाजा समुहद्वारा स्वागत गरिएको थियो ।
