दमौली, कार्तिक ११
नेपाल राहत शिक्षक समितिको केन्द्रीय सदस्यमा तनहुँका सिद्धान्त गर्जामगर निर्वाचित भएका छन् । राहत शिक्षक समितिको काठमाडौंमा सम्पन्न छैठौं महाधिवेशनबाट मगर केन्द्रीय सदस्यमा निर्वाचित भएका हुन् ।
सिद्धान्त बन्दिपुर गाउँपालिका–६ खहरेटार स्थित सेतीगंगा आधारभुत विद्यालयका प्रअ हुन् ।
उक्त महाधिवेशनबाट अध्यक्षमा नविनसिंह धामी र बिरेन्द्र मल्ल, गन्डकी प्रदेश अन्तर्गतका पदाधिकारीमा टिकादेवी पोख्रेल बरिष्ठ उपाध्यक्ष, शिव यादव उपाध्यक्ष, देवराज शर्मा उपमहासचिव तथा हरि कुँवर सचिव चयन भएका छन् । महाधिवेशनले १५१ सदस्यिय केन्द्रीय समिति निर्वाचित गरेको छ ।
