दमौली, मंसिर १७
जिल्ला प्रहरी कार्यालयले चेक अनादर मुद्धामा तनहुँ जिल्ला अदालतको फैसलाबाट दोषी ठहर भई फरार रहेका दुई जना प्रतिबादीहरुलाई पक्राउ गरेको छ । पक्राउ पर्नेमा ब्यास नगरपालिका वडा–११ रानिगाँउ बस्ने ४७ बर्षीया रामेश्वरी भट्ट र ब्यास नगरपालिका–११ कै ४७ बर्षीय केशवराज पन्थ रहेका छन् ।
उनीहरुलाई सोमबार आफ्नै घरबाट पक्राउ गरिएको तनहुँ प्रहरीले जनाएको छ । भट्टलाई रु ४ लाख रुपैयाँ जरिवाना तथा सोही बिगो बापतको २ बर्ष कैद र पन्थलाई १ हजार रुपैयाँ जरिवाना भुक्तानको लागी जिल्ला अदालतमा उपस्थित गराइएको जिल्ला प्रहरी कार्यालय तनहुाका डिएसपी अशोक थापाले बताए ।
