चितवन, मंसिर २९
नेपाल पत्रकार महासंघ चितवन शाखाको अध्यक्षमा बसन्तराज पराजुली निर्वाचित भएका छन् । शुक्रवार भएको निर्वाचनमा पराजुली अध्यक्षमा निर्वाचित भएका हुन् । मतदानमा २२३ मत खसेकोमा पराजुलीले १३२ मत प्राप्त गरे भने अध्यक्षका प्रत्यासी प्रकाशमणी ज्ञवालीले ९० मत प्राप्त गरे ।
त्यस्तै उपाध्यक्षमा दीपेन्द्र अधिकारी र शान्ता अधिकारी र सचिवमा राजेश घिमिरे यसअघि नै निर्विरोध निर्वाचित भएका थिए । सह–सचिवमा खुलातर्फ रविना पौडेल र समावेशीतर्फ राजु चौधरी निर्वाचित भए भने कोषाध्यक्षमा कृष्ण आचार्य निर्वाचित भए ।
सदस्यहरुमा (आदिवासी जनजाती) मा सुनिलकुमार श्रेष्ठ र सदस्य (दलित) मा सरोज उपरकोटी निर्विरोध निर्वाचित भएका थिए । सदस्य (महिला) मा अस्मिता पराजुली र सदस्य (खुल्ला) मा कुलप्रसाद काफ्ले, केशव भट्टराई, राजु सापकोटा, बद्री प्रसाद अर्याल, रोहिणी त्रिपाठी, सनद अधिकारी, सुदन पौडेल, सुरेन्द्र पौडेल (सुरज), सुशिल पन्त र हेमराज रिमाल निर्वाचित भएका छन् ।
