दमौली, पुस ६
विभिन्न मुद्धामा फरार रहेका तिन जना प्रतिबादीहरुलाई तनहुँ प्रहरीले पक्राउ गरेको छ । पक्राउ पर्नेहरुमा आबुखैरेनी गाउँपालिका–२ बस्ने निति बहादुर गुरूङ, ब्यास नगरपालिका–१० खहरे बस्ने २४ वर्षीय सन्तोष ज्ञवाली र देवघाट गापा–२ बस्ने २८ वर्षीय सुभास भन्ने सोम बहादुर राना रहेका छन् ।
जिल्ला अदालतबाट फैसला पश्चात लगत कसी हाल सम्म फरार रहेका उक्त प्रतिबादीहरुलाई खोजतलास गर्ने क्रममा आइतबार उनीहरुको सम्बन्धित घर ठेगानामा लुकिछिपी बस्दै आएको अवस्थामा पक्राउ गरिएको प्रहरीले जनाएको छ ।
पक्राउ गरेका मध्ये गुरुङलाई भ्रष्टचार मुद्धामा ६ महिना कैद, सन्तोष पौडेललाई साधारण चोरी मुद्धामा एक महिना र ४१ हजार ७६० र सुभास भन्ने सोम बहादुर रानालाई लागु औषध गाँजा मुद्धामा ४ महिना १९ दिन कैद सजाय जरिवाना भुक्तानको लागी तनहुँ जिल्ला अदालतमा उपस्थित गराइएको प्रहरीले जनाएको छ ।
