तनहुँ महोत्सवमा शान्तिश्री परियारको प्रस्तुतिमा झुमे दर्शक

Devghat Online

शेयर गरौ

दमौली, माघ ३

तनहुँको सदरमुकाम दमौलीमा जारी ‘नवौ तनहुँ महोत्सवमा’ मा गायिका शान्तिश्री परियारको प्रस्तुतिमा दर्शक झुमेका छन् । महोत्सवमा मुख्य आकर्षणका रुपमा उपस्थित शान्तिश्रीले आफ्ना चर्चित गीतमार्फत दर्शकलाई नचाइन र आफू पनि नाचिन् । शान्तिश्रीको गीत सुन्न आएका दर्शकले ठूलो स्वरमा हुटिङ गर्दै साथ दिएका थिए ।

भरिभराउ दर्शकका माझ शान्तिश्रीको ‘लाउन्न दाजै पिरती..’, माली गाईलाई बाधेको दाम्ला, मेरो माया छोडेर कहा जाम्ला ।’ गीतमा दर्शकले भरपुर मनोरन्जन लिएका थिए । ‘रुकुमकोट हान माया चौका दाउ हुकुमको..’ ले भने दर्शक झुमे । ‘कम्मरैमा पटकी कसेर, मुसुमुसु हासेकी बसेर…रुकुमै कोट…आखा नि राम्रै हो ।’ उनले गीत गाइन् । त्यस्तै गोर्खे खुकुरी कम्मरमा, मन जित्यो मायाले पहिलो नम्बरमा…’ भाखासँग शान्तिश्रीसँगै दर्शकले समेत गीत आएका थिए । यस्तै शान्तिश्रीले आफ्नो चर्चित गीत ‘अडेरी काडैले मलाई च्वास्सै, च्वास्सै’ बोलको गीतले दर्शकलाई नचाइन् । ‘गलबन्दी च्यातियो तिम्ले तानेर’ बोलको चर्चित गीत गाएर गायिका शान्तिश्रीले प्रस्तुतिको बिट मारेकी थिइन् । शान्तिश्रीको झण्डै एक दर्जन गीत प्रस्तुतिमा दर्शक निकै रमाएका थिए । उनको सबै गीतमा दर्शकले हुटिङ गर्नुका साथै नाचेर साथ दिएका थिए । बिहीबार शान्तिश्रीसँगै वसन्त विक, उमादेवी खनाल, समृद्धि परियार र लक्ष्मी नेपालीको समेत प्रस्तुति रहेको थियो ।

६५ हजार दर्शकद्वारा महोत्सव अवलोकन

तनहुँ महोत्सवमा दिनहुँ दर्शकको भीड लागेको छ । बिहीबार सम्ममा ६५ हजार दशर्ककले अवलोकन गर्नुका साथै दुई करोड २५ लाखको कारोबार भएको महोत्सवका प्रवक्ता तथा तनहुँ उद्योग वाणिज्य सङ्घका महासचिव सुवोध अधिकारीले बताए । अधिकारीले भने ‘हामीले आशा गरे अनुरुपको दर्शकको भीड लाग्यो उत्साह मिलेको छ ।’ महोत्सवमा विहान ११ बजे सम्म निशुल्क प्रवेशको व्यवस्था गरेकोले दर्शको भीड लागेको महासचिव अधिकारी बताउँछन् ।

महोत्सवमा टिकट काट्नेले बन्दीपुर केवलकारको यात्रामा, शाहसिक खेल तथा खानामा २५ प्रतिशत छुटको अफर असार मसान्तसम्म पाउने भएकोले दर्शकलाई दोहोरो फाइदा भएको महासचिव अधिकारी बताउँछन् । अधिकारीले भने ‘बिहान चाँडै आउनेले निशुल्क प्रवेश पाएका छन्, टिकट काट्नेले बन्दीपुर केबलकारमा छुट पाएका छन्, महोत्सव एक फाइदा अनेक भएको छ ।’

नवौ तनहुँ महोत्सवमा शुक्रबार चर्चित मोडल लोमश शर्मा गायक तथा गायिकाहरु अस्मिता अधिकारी, महेश काफ्ले, वृन्दा परियार आएका भएका छन् ।

तनहुँ उद्योग वाणिज्य संघको आयोजना तथा तनहुँ उद्योग वाणिज्य संघ दमौली बजार इकाईको सहआयोजनामा पुस २५ देखि सुरु भएको महोत्सव माघ ७ गते सम्म चल्नेछ ।

प्रतिक्रिया दिनुहोस्

सम्बन्धित समाचारहरू

झापा घटनामा ५१ वटा युट्युब च्यानलमाथि काउन्सिलको निगरानी, १५ वटा च्यानललाई कारवाहीकोलागि साइबर ब्युरोमा पत्राचार

काठमाडौँ, माघ २५ प्रेस काउन्सिल नेपालले झापाको शिवसताक्षी नगरपालिकामा घटेको एक घटनालाई अतिरञ्जित गर्ने ५१

देवघाट महा–महोत्सवमा सांसद न्यौपानेः देवघाटप्रति सारा नेपालीले गर्व गर्छन्

देवघाट, माघ २५ नेकपा एमालेकी नेतृ तथा राष्ट्रिय सभाकी सांसद भगवती न्यौपानेले देवघाटप्रति सारा नेपालीले

दोश्रो म्याग्दे अध्यक्ष कप फुटवल प्रतियोगिताबारे जानकारी दिन पोखरामा पत्रकार सम्मेलन

दमौली, माघ २४ तनहुँको म्याग्दे गाउँपालिकाले आयोजना गरेको दोश्रो अध्यक्ष कप प्रदेश स्तरीय फुटवल प्रतियोगिता