तनहुँ । फागुन ४
जिल्ला खेलकुँद विकास समिति तनहुँको आयोजनामा शनिबारदेखी दमौलीमा भएको १६ औं जिल्ला स्तरीय राष्ट्रपति रनिङ सिल्डको उपाधी शुक्लागन्डकी नगरपालिकाले जितेको छ । दमौली खेल मैदानमा भएको उक्त प्रतियोगितामा शुक्लागन्डकी नगरपालिकाले ८ स्वर्ण, ६ रजत र ४ कास्य सहित कुल १८ पदक जितेको छ ।
त्यस्तै ८ स्वर्ण, ५ रजत र ७ कास्य सहित कुल २० पदक जितेर दोश्रो भएको छ भने बन्दीपुर गाउँपालिकाले ३ स्वर्ण र २ रजत पदक जितेर तेश्रो स्थान हात पारेको छ ।
प्रथम हुने शुक्लागन्डकीलाई रनिङसिल्ड सहित ट्रफी प्रदान गरिएको छ भने दोश्रो र तेश्रो स्थान पाउने व्यास नपा र बन्दीपुर गाउँपालिकाई ट्रफी प्रदान गरिएको छ । कार्यक्रममा व्यास नगरपालिकाका प्रमुख बैकुण्ठ न्यौपाने र जिल्ला खेलकुँद विकास समितिका अध्यक्ष अनिल पाण्डेले रनिङसिल्ड र ट्रफी प्रदान गरेका थिए ।
