विष्णु मगर । देवघाट, चैत २१
देवघाट गाउँपालिका–५ देवपुरमा पहिलो पटक सहासिक खेल स्केट पार्क निर्माण भएको छ । देवघाटका पाँच जना युवा व्यवसायीहरु मिलेर करिब १ करोडको लागतमा सो स्केट पार्क निर्माण गरेका हुन् ।
सहासिक खेलको माध्यमबाट देवघाटमा खेल पर्यटनको विकास गर्न तथा स्थानीय युवाहरुलाई रोजगारी दिने उद्देश्यले स्केट पार्क निर्माण गरिएको सन्चालक अर्जुन प्रसाद अधिकारीले बताए । युवाहरुले स्वदेशमै रोजगारीको सिर्जना गर्नुपर्छ भन्ने हेतुले पनि पार्क निर्माण गरिएको उनले बताए ।
उक्त स्केट पार्क ६ रोपनी क्षेत्रफलको जमिनमा निार्मण गरिएको छ । त्यसभित्र एक पटकमा १५० जना सम्म खेल्न मिल्नेृ गरि बनाईएको अधिकारीले बताए । उक्त स्केट पार्कले देवघाटमा खेलकुँदको बिकासकोे लागि टेवा पुग्ने उनले बताए । पार्कबाट भएको आम्दानीको केही रकम देवघाटको सामाजिक काममा लगाउने अधिकारीले बताए ।
सो पार्कमा स्थानियले केही रोजगार पाउने र हरेक युवाहरुले यहि आफुसँग भएको दक्षतालाइ सदुपयोग गरि व्यवसाय गर्न सके युवाहरु विदेश जान नपर्ने अधिकारीले बताए । हाल स्थानिय ३ जना र एक जना वाहिरको प्रशिक्षक गरि ४ युवालाई रोजगारी दिईएको अधिकारीले बताए ।
पार्कको नजिकै सार्वजनिक सौचालय पनि निर्माण गरिएको छ । उक्त स्केट पार्कमा विहिबारबाट नै खेल्न खुला गरिएको भएपनि औपचारिक उद्घाटन भने केही दिन पछि हुने अधिकारीले बताए ।
