तनहुँ । चैत ३०
तनहुँमा टिप्परको ठक्करबाट शनिबार एक जनाको मृत्यु भएको छ । मृत्यु हुनेमा तनहुँ व्यास नपा वडा नम्बर ६ बस्ने बर्ष १८ को मनिस आले मगर रहेका छन् ।
म्याग्दे गाउँपालिका वडा नम्बर १ फुस्रेखोला स्थित पृथ्वीराजमार्ग सडक खण्डमा पोखराबाट दमौली तर्फ आउँदै गरेको ग १ ख ५८७५ नम्बरको टिप्पर र बिपरित दिशा बाट जाँदै गरेको ग २५ प ५५२२ नम्बर को स्कुटर एक आपसमा ठक्कर खाई दुर्घटना हुँदा स्क्कुटर चालक मगरको मृत्यु भएको प्रहरीले जनाएको छ ।
ठक्करबाट घाईते भई उपचारको लागि प्रदेश अस्पताल दमौली पठाईएमा उपचारको क्रममा स्कुटर चालक आले मगरको मृत्यु भएको हो । उक्त दुर्घटनामा स्कुटरमा सवार १५ बर्षीया अनिषा आले मगर घाइते भएको प्रहरीले जनाएको छ । उनलाई थप उपचारको लागि गण्डकी मेडिकल कलेज पोखरा रिफर गरिएको र सो घटना सम्बन्धमा थप अनुसन्धान भईरहेको जिल्ला प्रहरी कार्यालय तनहुँका प्रहरी उपरिक्षक अशोक थापाले जानकारी दिए ।
