तनहुँ । बैशाख २५
आँबुखैरेनी गाउँपालिकाले कृषकहरुलाई उन्नत जातको व्याड बोका वितरण गरेको छ । गाउँपालिकाको स्वीकृत नीति तथा कार्यक्रम ‘उन्नत जातको व्याड बोका वितरण’ कार्यक्रम अन्तर्गत कृषि फर्म÷कृषक समुहहरुको माग बमोजिम विहिबार उच्च प्रजनन् क्षमता भएका ८ वटा जमुनापारी क्रस र १५ वटा बोएर क्रस जातको बोकाहरु प्रजननको लागि वितरण गरिएको गाउँपालिकाले जनाएको छ ।
उक्त अवसरमा गाउँपालिकाद्वारा कृषहकरुलाई वितरित बोकाहरुको निःशुल्क बीमा पनि गरिएको छ । उक्त कार्यक्रममा गाउँपालिका अध्यक्ष शुक्र चुमानले गाउँपालिका भित्र उत्पादित खसीबोकाहरुको सहज बजारिकरण र उत्पादनको ग्यारेन्टी गर्ने प्रतिबद्धता व्यक्त गरेका थिए ।
अध्यक्ष चुमानले आगामी आर्थिक वर्षमा उत्पादनमा आधारित अनुदान कार्यक्रममा खसीबोकाको मासुलाई पनि समावेश गर्ने योजना रहेको जानकारी दिए ।
