तनहुँ । बैशाख २५
सामाजिक विकास कार्यालय तनहुँको आयोजनामा भिमाद नपा–३ मा अभिभावक शिक्षा कार्यक्रम विहिबार सम्पन्न भएको छ ।
कार्यालयको स्विकृत वार्षिक कार्यक्रम अनुसार भिमाद नगरपालिकाको समन्वय तथा सहकार्यमा वडा नम्बर ३ स्थित बाल शैक्षणिक माविमा अभिभावक शिक्षा कार्यक्रम सम्पन्न भएको छ ।
उक्त कार्यक्रममा निकै उत्साहजनक रुपमा सम्पन्न भएको सामाजिक विकास कार्यालयले जनाएको छ । सामाजिक विकास कार्यालय तनहुँका प्रमुख बिदुरहरि आचार्यको अध्यक्षतामा आयोजित सो कार्यक्रममा भिमाद नगरपालिकाका प्रमुख दधिराज सुवेदी, नगरपालिकाका शिक्षा युवा तथा खेलकुद शाखा प्रमुख सन्दिप पौडेलले मन्तव्य राखेका थिए ।
सो कार्यक्रममा उक्त विद्यालयका व्यवस्थापन समितिका पदाधिकारी, शिक्षक तथा अभिभावकहरुको सहभागिता रहेको थियो ।
