देवघाट । जेठ ७
देवघाट क्षेत्र विकास समितिले जवर्जतस्ती सेवाबाट हटाईएकी देवु अधिकारीलाई पर्नुवाहाली गर्न श्रम अदालतले फैसला सुनाएको छ । श्रम अदालतका अध्यक्ष जनक पाण्डे र न्यायधीश निशा बानियाँको इजलासले जेठ ६ गते मंगलबार अन्तिम फैसला सनाउँदै उक्त पदमा स्थायी पदपुर्ती नहुँदा सम्म अधिकारीलाई पुनर्वाहाली गर्न भनेको हो ।
देवघाट क्षेत्र विकास समितिका कार्यकारी निर्देशक सदन बरालले २०८० मंसिर १ गते अधिकारीलाई पदमुक्त गरेको पत्र थमाएका थिए । आफुलाई जवर्जस्ती सेवाबाट हटाईएको भन्दै अधिकारीले समितिको विरुद्धको २०८० मंसिर २५ गते सेवाबाट हटाईएको निर्णय बदर गरी सेवा सुविधा दिलाई पुनर्बहाली समेत गरि पाउँ श्रम अदालतमा मुद्धा दायर गरेकी थिइन् ।
देवघाट गाउँपालिका–५ निवासी अधिकारी देवघाट क्षेत्र विकास समिति अन्तर्गत सन्चालित देवघाट समाजकल्याण केन्द्र बृद्धाश्रमकी व्यवस्थापक हुन् । श्रम अदालतको फैसलाले आफुलाई न्याय मिलेको अधिकारीले बताईन् ।
