तनहुँ । जेठ ८
जिल्ला बुद्धिचाल संघ तनहुँको अध्यक्षमा कृष्ण रुचाल सर्वसम्मत निर्वाचित भएका छन् । संघको विहिबार दमौलीमा सम्पन्न साधारणसभा तथा अधिवेशनले रुचालको अध्यक्षतामा एघार सदस्यीय समिति चयन गरेको हो ।
संघको उपाध्यक्षमा प्रेमराज श्रेष्ठ, सचिवमा कृष्ण न्यौपाने, कोषाध्यक्षमा विश्वराज वाग्ले, सदस्यहरुमा चन्द्रकुमार कायस्थ, वीरेन्द्रराज काफ्ले, होमबहादुर राना, पुस्तक न्यौपाने, पदम थापा, विष्णुप्रसाद वाग्ले र गोपाल गिरी निर्मल चयन हुनुभएको छ ।
अधिवेशनबाट केन्द्रीय प्रतिनिधिमा सानुकाजी यथार्थ र चन्द्रमोहन अधिकारी चयन भएका छन् । साधारणसभा तथा भेला संघका निवर्तमान अध्यक्ष भरत पोख्रेलको अध्यक्षतामा सम्पन्न भएको थियो ।
