अन्जान परियार । घिरिङ, जेठ २०
घिरिङ गाउँपालिका–५ स्थित कामधेनु माध्यमिक विद्यालयमा छातीरोग सम्बन्धी एक दिने निःशुल्क खोजपड्ताल स्वास्थ्य शिविर सञ्चालन हुने भएको छ। स्वास्थ्य कार्यालय तनहुँ र जापान नेपाल स्वास्थ्य तथा क्षयरोग अनुसन्धान संस्थाको संयुक्त आयोजनामा आगामी जेठ २२ गते शिविर सञ्चालन हुने भएको हो ।
उक्त शिविरमा आधुनिक प्रविधियुक्त एआई जडित डिजिटल एक्सरे मेशिनको प्रयोग गरी छातीरोग परीक्षण गरिने छ । साथै, रक्तचाप (प्रेसर) र रगतमा ग्लुकोजको मात्रा (सुगर) समेत परीक्षण गरिने स्वास्थ्य शाखा प्रमुख कृष्ण प्रसाद रिमालले जानकारी दिए ।
सो शिविरमा वडा नम्बर ५ तथा छिमेकी वडाका सबै स्थानीयहरुलाई समयमै उपस्थित भई स्वास्थ्य परीक्षण गराउन गाउँपालिकाले सूचना जारी गरी गरेको छ ।
