देवघाट । जेठ २०
देवघाट गाउँपालिकाले जेष्ठ नागरिकलाई सम्मान गरेको छ । गणतन्त्र दिवसको अवसर पारेर गाउँपालिकाले वडा नम्बर ४ का ८५ बर्ष उमेर माथिका जेष्ठ नागरिकलाई सम्मान गरेको हो ।
गाउँपालिकाका अध्यक्ष तिलबहादुर थापा, उपाध्यक्ष भुवन सिंह गुरुङ र वडा नम्बर ४ का वडा अध्यक्ष मित्रलाल गुरुङले जेष्ठ नागरिकको घरमै पुगेर सम्मान गरेका थिए ।
सो अवसरमा जेष्ठ नागरिकलाई खादा सहित लौरो र एकथान टर्च लाईट उपलब्ध गराईएको थियो । देवघाट गाउँपालिकाका अध्यक्ष तिलबहादुर थापाले जेष्ठ नागरिक प्रति सबैले आदर र सम्मानको व्यवहार गर्नुपर्ने बताए ।
यस अघि गाउँपालिकाले गणतन्त्र दिवसको दिन जेठ १५ गते वडा नम्बर ५ का जेष्ठ नागरिकलाई सम्मान गरेको थियो ।
