देवघाट । जेठ २१
देवघाट गाउँपालिकाका अध्यक्ष तिलबहादुर थापाले वडा नम्बर २ मा सन्चालित विभिन्न योजनाहरुको अनुगमन गरेका छन् ।
अध्यक्ष थापाले बुधबार वडा नम्बर २ का विभिन्न ४ वटा योजनाहरुको अनुगमन गरेका थिए । उक्त अवसरमा दरौँखोला बाँध निर्माण, चिम्नी खोला बाँध, जरमखोला लामो कुलो मर्मतको स्थलगत अनुगमन गरेका थिए ।
दरौं खोला बाँध निर्माण योजना गाउँपालिकाको १० लाख तथा र उपभोक्ताको २० प्रतिशत सहभागीतामा निर्माण भएको थियो । त्यस्तै चिम्नी खोला बाँध पाँच लाख रूपैया लागतमा निर्माण गरिएको हो ।
त्यस्तै जरमखोला लामो कुलो योजना छ लाख ४० हजार रूपैयाँ लागतमा निर्माण गरिएको हो । ति सबै योजनाहरु चालू आर्थिक वर्षभित्र नै सम्पन्न गर्ने योजना रहेको गाउँपालिकाले जनाएको छ ।
उक्त अनुगमनमा गाउँपालिकाका अध्यक्ष थापा सहित, वडा नम्बर २ का अध्यक्ष मीनबहादुर रानामगर, गाउँपालिकाका प्राविधिक अशोक पराजुली लगायत थिए ।
