विवेक श्रेष्ठ । तनहुँ, जेठ २२
ऋषिङ्ग-७ पाेखरीभञ्ज्याङमा मंगलबार भएको आगलागीबाट पीडित शनिसरा आलेको परिवारलाई स्थानीयले सहयोग गरेका छन् । अग्नि पीडितको घाउमा मलम लगाउने सानो प्रयासस्वरूप केहि स्थानीयले सहयोग गरेका छन् ।
ऋषिङ-६ निवासी स्व. केशर बहादुर आलेको परिवारको तर्फबाट नगद २६ हजार र २ थान ब्ल्याङ्केटसहित १४ थान लत्ताकपडा, ऋषिङ-७ का स्व. भविलाल आलेको परिवारबाट नगद ५ हजार र ४ थान लत्ताकपडा, सोही ठाउँका नर बहादुर आलेको परिवारबाट नगद ७ हजार, ऋषिङ-७ का टिकाराम आलेले नगद १५ सय, भिमाद -५ मिछुर्लुङका स्व.विष्णुविर आलेको परिवारबाट नगद १५ हजार, ऋषिङ-७ का तिल बहादुर आलेले १ बाेरा चामल, तरकारी र भाँडाकुँडा तथा व्यास २ दमौलीको बिन्दु फेन्सीबाट २ थान कपडा उपलब्ध गराईएको छ ।
हालसम्म संकलित रकममध्ये १० हजार ४ सयको खाद्यान्न र भाँडाकुँडा किनेर दिईएको छ ।
वडा नम्बर ७ का अध्यक्ष दुर्गा बहादुर थापाको उपस्थितिमा उक्त राहत हस्तान्तरण गरिएको थियो ।
