तनहुँ । असार ९
आबुँखैरेनी गाउँपालिकाले सामुदायिक विद्यालयलाई स्मार्ट बोर्ड वितरण गरेको छ । ‘जहाँ प्रविधि छ, त्यहाँ सम्भावना छ; जहाँ शिक्षा छ, त्यहाँ उज्यालो भविष्य छ’ भन्ने नारासहित आँबुखैरेनीले सामुदायिक विद्यालयहरूको शिक्षण–सिकाइ प्रक्रियामा प्रविधिको प्रयोगलाई प्रवद्र्धन गर्ने उद्देश्यले ६५ इन्चका १६ वटा एलइडी स्मार्ट बोर्ड वितरण गरेको हो ।
गाउँपालिकाको सामुदायिक शिक्षा सुधार नीति तथा कार्यक्रम अन्तर्गत प्रविधिमैत्री शिक्षालाई प्राथमिकता दिँदै सोमबार विभिन्न सामुदायिक विद्यालयहरूलाई ती बोर्डहरू हस्तान्तरण गरिएको हो ।
गाउँपालिका अध्यक्ष शुक्र चुमानले स्मार्ट बोर्डको सही प्रयोगमार्फत कक्षाकोठालाई डिजिटल बनाउन सकिने र यसले विद्यार्थीहरूलाई गुणस्तरीय शिक्षा प्रदान गर्न महत्वपूर्ण योगदान पु¥याउने विश्वास व्यक्त गरे । उनले भने, ‘स्मार्ट बोर्डको प्रयोगले शिक्षण विधिमा नवप्रवर्तन ल्याउनुका साथै सिकाइलाई अझ प्रभावकारी, रोचक र अन्तरक्रियात्मक बनाउने अपेक्षा लिएको छ ।’
गाउँपालिकाले भविष्यमा पनि प्राविधिक शिक्षामा लगानी गर्दै शिक्षाको स्तर उकास्ने कार्यक्रमहरूलाई निरन्तरता दिने प्रतिबद्धता जनाएको छ ।
