तनहुँ । असार ९
गन्डकी प्रदेश कबड्डी संघको आयोजना, प्रदेश खेलकुँद परिषदको प्रबद्र्धन तथा आर्थिक सहयोग र जिल्ला खेलकुँद विकास समिति तनहुँको समन्वयमा सोमबारदेखी दमौलीमा गन्डकी प्रदेश स्तरीय पुरुष कबड्डी प्रतियोगिता सुरु भएको छ ।
उक्त प्रतियोगिताको अनसन चौतारी स्थित बास्केटबल कोर्टमा जिल्ला समन्वय समिति तनहुँका प्रमुख शान्तीरमण वाग्लेले उद्घाटन गरेका थिए । गन्डकी प्रदेश कबड्डी संघका अध्यक्ष पवन प्रजापतीको अध्यक्षतामा भएको प्रतियोगिता उद्घाटन कार्यक्रममा जिसस प्रमुख वाग्ले, व्यास नगरपालिकाकी उपप्रमुख इन्दिरा दरै, प्रमुख जिल्ला अधिकारी रामकृष्ण अधिकारी, व्यास नपाका खेलकुँद संयोजक जिवन गुरुङ लगायतले मन्तव्य राखेका थिए । सो कार्यक्रममा स्वागत तथा प्रतियोगिताको बारेमा जानकारी जिल्ला खेलकुँद विकास समिति तनहुँका अध्यक्ष अनिल पाण्डेले र सन्चालन कबड्डी संघका प्रदेश सचिव रविन्द्र खातीले गरेका थिए ।
११ गतेसम्म चल्ने उक्त प्रतियोगिताको प्रतियोगितात्मक खेलहरु मंगलबारबाट व्यास नपा १ स्थित फुटसलमा हुनेछ । प्रतियोगितामा गन्डकी प्रदेशका आठ वटा जिल्लाहरु तनहुँ, गोरखा, नवलपुर, कास्की स्याङजा, पर्वत, बाग्लुङ र म्याग्दी जिल्लाको सहभागिता रहेको जिल्ला खेलकँुद विकास समिति तनहुँका अध्यक्ष अनिल पाण्डेले बताए ।
