देवघाट । असार ११
देवघाट गाउँपालिका–३ स्थित सोलीघोप्टे सामुदायिक वन उपभोक्ता समुहले उक्त वनमा बृक्षारोपण गरिएको छ । सामुदायिक वनका उपभोक्ताहरुले वन क्षेत्रमा ३ हजार ७५० वटा टिमुरको बिरुवा रोपेका छन् ।
पछिल्लो समयमा टिमुरको बोटहरु लोप हुँदै गरेको हुँदा उक्त उक्त सामुदायिक वनले स्वास्थ्यलाई पनि राम्रो हुने र औषधीको रुपमा पनि प्रयोग हुने भएकाले टिमुरको बिरुवा रोपिएको सोलिघोप्टे सामुदायिक वन उपभोक्ता समुहका सचिव पुर्ण बहादुर गुरुङले बताए ।
उक्त बिरुवा संरक्षणको लागि सो क्षेत्रमा गई बस्तुभाउले खाएको खण्डमा नियम अनुसारको जरिवाना तिराउने गुरुङले बताए । टिमुरको बिरुवा लगाउने कार्यक्रमको डिभिजन वन अधिकृत शरद कुमार अधिकारीको प्रमुख अतिथ्यमा भएको थियो । उक्त कार्यक्रम सोलिघोप्टे सामुदायिक वनको अध्यक्ष तम बहादुर गुरुङको अध्यक्षतमा भएको थियो ।
