तनहुँ । असार २६
आबुँखैरेनी गाउँपालिकाको प्रमुख प्रशासकीय अधिकृतमा बुद्धिराम बस्नेतको पदस्थापना भएको छ । संघीय मामिला तथा सामान्य प्रशासन मन्त्रालयले बस्नेतलाई आँबुखैरेनी गाउँपालिकाको प्रमुख प्रशासकीय अधिकृतको रूपमा पदस्थापना गरेको हो ।
लोक सेवा आयोगको सिफारिसका आधारमा संघीय मामिला तथा सामान्य प्रशासन मन्त्रालयको अतिरिक्त समूहमा पदस्थापन भएका बस्नेतलाई गाउँपालिकाको प्रमुख प्रशासकीय जिम्मेवारी दिइएको हो।
वर्तमान प्रमुख प्रशासकीय अधिकृत विष्णुप्रसाद शर्माले उमेर हदले अनिवार्य अवकाश पाएसँगै बस्नेतलाई पदभार दिइएको गाउँपालिकाले जनाएको छ।
संघीय मामिला तथा सामान्य प्रशासन मन्त्रालयबाट प्राप्त पत्रअनुसार बस्नेतले छिट्टै कार्यभार सम्हाल्ने तयारी गरेका छन्।
